គម្រោងកម្មវិធីកុំព្យូទ័រភាសាខ្មែរ

នៅ​ក្នុង​ប្រព័ន្ធ​ប្រតិបត្តិការ​លីនុច OpenSuSE 11.0 ខ្ញុំ​ឃើញ​ពាក្យ Properties ត្រូវ​បាន KhmerOS បកប្រែ​ថា "លក្ខណៈសម្បត្តិ"​។ ឃើញ​ថា​ពាក្យ​នេះ ត្រូវ​បាន​សរសេរ​មិន​ត្រឹមត្រូវ​តាម​វចនានុក្រម​សម្ដេច​ព្រះសង្ឃរាជ ជួន ណាត ទេ​។ ក្នុង​វចនានុក្រម មិន​មាន​សរសេរ​ជាមួយ​សញ្ញា "ៈ" ទេ​។ លក្ខណសម្បត្តិ=ការ​គ្រប់​ព្រម​ដោយ​លក្ខណៈ​។ បច្ចុប្បន្ន OpenSuSE បាន​ចេញផ្សាយ​កំណែ 11.2 ហើយ តែ​មិន​ដឹង​ថា​សរសេរ​បាន​ត្រឹមត្រូវ​ដែរ​ឬ​ទេ ព្រោះ​មិន​ទាន់​បាន​សាកល្បង​នៅ​ឡើយ តែ​បើ​ទាន់​បាន​កែតម្រូវ​ទេ តាម​យោបល់​ខ្ញុំ ខ្មែរអូអេស គួរ​កែ​តម្រូវ​ពាក្យ​នេះ​ឱ្យ​បាន​ត្រឹមត្រូវ​ឡើង​វិញ​នៅ​កំណែ 11.3 ដែល​នឹង​ត្រូវ​ចេញផ្សាយ​នៅ​ពេល​ខាងមុខ​។