Khmer Software Initiative

បើ​តាម​ខ្ញុំ​ដឹង រហូត​មក​ដល់​ពេល​នេះ​មិន​ទាន់​កម្មវិធី​ពិនិត្យ​អក្ខរាវិរុទ្ធ សម្រាប់​ភាសា​ខ្មែរ​នៅ​ឡើយ​ទេ ប៉ុន្តែ​វា​ប្រាកដ​ណាស់​ដែល​ថា មាន​គេ​កំពុង​គិតគូរ​អំពី​បញ្ហា​នេះ ។ វា​មាន​ការ​លំបាក​ខ្លាំង​ណាស់​ដើម្បី​សម្រេច​កិច្ចការ​នេះ ។ បញ្ហា​ចម្បង​គឺ​ពាក្យ​ខ្មែរ​ត្រូវ​បាន​សរសេរ​ជាប់​គ្នា​ដោយ​គ្មាន​ដកឃ្លា (ពាក្យ​ភាគ​ច្រើន) ដូច្នេះ​តើ​មាន​វិធី​ណា​ដើម្បី​ដឹង​ថា បន្សំ​តួអក្សរ​ណា​ខ្លះ​ជា​ពាក្យ​មួយ ? នេះ​ជា​មូលហេតុ​ធំ​មួយ​ដែល "ចន្លោះ​មិន​ឃើញ" មាន​វត្តមាន​ឡើង ។ ប៉ុន្តែ​បញ្ហា​នៅ​តែ​មាន​ដដែល គឺ​ថា តើ​យើង​ធ្វើ​ដូម្ដេច​ទើប​អាច​ដឹង​ថា ចន្លោះ​មិន​ឃើញ​ត្រូវ​បាន​វាយ​បញ្ចូល​ត្រង់​ទីតាំង​ត្រឹមត្រូវ ? ឧបមា​ថា ខ្ញុំ​ចង់​វាយ​ពាក្យ "សាកល្បង", តើ​ខ្ញុំ​គួរ​វាយ "ចន្លោះ​មិន​ឃើញ" នៅ​ចន្លោះ​ពាក្យ "សាក" និង "ល្បង" ឬ​ទេ ? ចម្លើយ​អាច "គួរ" ហើយ​ក៏​អាច "មិន​គួរ" ដែរ ។ នេះ​ជា​បញ្ហា​ដែល​ធ្វើ​ឲ្យ "ចន្លោះ​មិន​ឃើញ" នៅ​តែ​មាន​ភាព​ស្រពេចស្រពិល​នៅ​ឡើយ ។ ប៉ុន្តែ​ខ្ញុំ​ជឿ​ថា ពិត​ជា​មាន​ដំណោះស្រាយ​មួយ​ដ៏​សមស្រប​មិន​ខាន !