គោលបំណងនៃគម្រោងនេះគឺ ៖
- កាត់បន្ថយគម្លាតរេខូបនីយកម្ម
ដោយធ្វើឲ្យការប្រើប្រាស់កុំព្យូទ័រនៅក្នុងប្រទេសកម្ពុជាមានភាពងាយស្រួលទៅតាមលទ្ធភាពដែលអាចធ្វើទៅបា (កម្មវិធីកុំព្យូទ័រភាសាខ្មែរ)។ កាត់បន្ថយពេលវេលាក្នុងការរៀនប្រើកុំព្យូទ័រក្នុងបរិស្ថានជាអាជីព កាត់បន្ថយរបាំងចំពោះការងារជាច្រើន និងធ្វើឲ្យមានការប្រើប្រាស់កុំព្យូទ័រក្នុងសហគ្រាសធុនតូច និងមធ្យម
នានា (SME) ។ លើកទឹកចិត្តឲ្យមានការប្រើភាសាខ្មែរលើប្រព័ន្ធកុំព្យូទ័រក្នុងជួររាជរដ្ឋាភិបាល។
- បង្កើតកម្មវិធីកុំព្យូទ័រភាសាខ្មែរដែលមានគុណភាពខ្ពស់
ហើយឥតគិតថ្លៃដែលសមស្របទៅ នឹងសេដ្ឋកិច្ចរបស់ប្រទេសកម្ពុជា ។
- ធ្វើឲ្យមានភាពច្បាស់លាស់
និង បមាណីយកម្មនូវការប្រើប្រាស់ភាសាខ្មែរឲ្យបានត្រឹមត្រូវ
ទៅតាមលក្ខណៈ វប្បធម៌ខ្មែរដូចជាការរៀបពាក្យ
(តាមលំដាប់អក្សរ) ។ បង្កើតពាក្យបច្ចេកទេសកុំព្យូទ័រ ជាភាសាខ្មែរដើម្បីកាត់បន្ថយ ការប្រើពាក្យបរទេស
ក្នុងបរិស្ថានការងារដែលទាក់ទងនឹងកុំព្យូទ័រ ។
ជាពិសេសក្នុងផ្នែកបច្ចេកទេស
៖
-
ចងក្រងពាក្យបច្ចេកទេសកុំព្យូទ័រជាភាសាខ្មែរ
(សទ្ទានុក្រមពាក្យកុំព្យូទ័រ
អង់គ្លេស-ខ្មែរ)
។
-
អភិវឌ្ឍ
(បកប្រែ)
នូវប្រព័ន្ធកុំព្យូទ័រផ្នែកទន់ ដែលនឹងដំណើរការទាំងស្រុងជាភាសាខ្មែរ
បន្ទាប់មកនឹងធ្វើការផ្សព្វផ្សាយឲ្យប្រើប្រាស់ជាសាធារណៈក្នុងប្រទេសកម្ពុជា
។ ប្រព័ន្ធនេះនឹងជា ផ្លូវនាំដល់ការ
ជម្រុញឲ្យមានការអភិវឌ្ឍន៍
កម្មវិធី ផ្នែកទន់ផ្សេងៗជាភាសាខ្មែរ សម្រាប់ប្រព័ន្ធការងាររបស់រដ្ឋាភិបាល
ក៏ដូចជាផ្នែក ក្រុមហ៊ុនឯកជនផងដែរ ។
- បង្កើតការអភិវឌ្ឍន៍កម្មវិធីផ្នែកទន់ជាភាសាខ្មែរ
និង បណ្តុះបណ្តាលជំនាញផ្នែកកុំព្យូទ័រ
ដោយផ្អែកទៅលើកម្មវិធីនេះ សម្រាប់ក្រុមហ៊ុនអភិវឌ្ឍកុំព្យូទ័រ អ្នកលក់កុំព្យូទ័រ
សាកលវិទ្យាល័យ និង មជ្ឈមណ្ឌលហ្វឹកហ្វឺនកុំព្យូទ័រឯកជននានាក្នុងប្រទេសកម្ពុជា
។
- បង្កើនទំនាក់ទំនងជាមួយក្រុមហ៊ុនអភិវឌ្ឍកម្មវិធីកុំព្យូទ័រ
និង ស្ថាប័នរាជរដ្ឋាភិបាល
ហើយរៀបចំអភិវឌ្ឍកិច្ចសន្យាជាមូលដ្ឋានដោយធ្វើការវិភាគទៅលើថវិកានៃគម្រោងដែលអាចធ្វើទៅបានសម្រាប់ថ្នាក់ជាតិ
និងថ្នាក់រដ្ឋបាលមូលដ្ឋាន ។
ប្រព័ន្ធដែលបានពិចារណាក្នុងគម្រោងនេះរួមមាន ផ្ទៃប្រទាក់របស់អ្នកប្រើ (មានលក្ខណៈដូចគ្នាទៅនឹង
Windows របស់ Microsoft )និង កម្មវិធីមូលដ្ឋានមួយចំនួនទៀតដូចជា កម្មវិធីវាយអត្ថបទ
កម្មវិធីគណនេយ្យ កម្មវិធីរុករកលើអ៊ិនធឺណិត កម្មវិធីអ៊ីម៉ែល កម្មវិធីគ្រប់គ្រងមូលដ្ឋានទិន្នន័យ និង កម្មវិធីប្រើប្រាស់សំខាន់ៗជាច្រើនទៀត ។ ការបកប្រែទាំង អស់នឹងរួមមានឯកសារពេញលេញជាភាសាខ្មែរ
។
សមត្ថភាព
និងផ្ទៃប្រទាក់ នឹងមានរូបរាង
និងគុណភាពដូចគ្នាទៅនឹងផលិតផលរបស់ក្រុមហ៊ុន Microsoft
ដែរ ដែលជាប្រព័ន្ធមួយដែលកំពុងប្រើប្រាស់ច្រើនបំផុតក្នុងប្រទេសនៅពេលបច្ចុប្បន្ន
។
មូលដ្ឋានសម្រាប់ការអភិវឌ្ឍន៍ទាំងនេះ
នឹងជាកម្មវិធីបើកទូលាយប្រភពរហស្សលិខ
ដូច្នេះលទ្ធផលនឹងស្ថិតក្នុងដែនសាធារណៈ
ហើយមិនគិតថ្លៃសម្រាប់អ្នកប្រើជាជនជាតិកម្ពុជាទាំងអស់ ។
ហើយបើទោះបីជាកម្មវិធីមូលដ្ឋានដែលប្រើក្នុងកុំព្យូទ័រទាំងនេះ
ជាកម្មវិធីមិនគិតថ្លៃក៏ដោយ ក៏ការអភិវឌ្ឍន៍ដែលធ្វើដោយក្រុមហ៊ុនអភិវឌ្ឍកម្មវិធីកុំព្យូទ័រ
សម្រាប់អតិថិជនរបស់ពួកគេនឹង មិនមែនជាកម្មវិធីមិនគិតថ្លៃនោះទេ
ប៉ុន្តែនឹងគោរពទៅតាមច្បាប់អនុវត្តពាណិជ្ជកម្មខ្នាតគំរូ (អនុម័តដោយកិច្ចសន្យាអភិវឌ្ឍន៍ រវាងអតិថិជន និង អ្នកអភិវឌ្ឍន៍) ។
ប្រព័ន្ធនឹងរួមបញ្ចូលនូវគ្រប់ឧបករណ៍ចាំបាច់ ដើម្បីអភិវឌ្ឍកម្មវិធីដែលត្រូវការប្រើផ្ទៃប្រទាក់ជាភាសាខ្មែរ និង
ការរួមបញ្ចូលទិន្នន័យជាភាសាខ្មែរក្នុងមូលដ្ឋានទិន្នន័យ ។
គម្រោងក៏រួមបញ្ចូលផងដែរនូវ ៖
-
ការបង្កើតនូវពុម្ពអក្សរខ្មែរក្នុងដែនសាធារណៈ
ដែលផ្អែកលើខ្នាតគំរូដែលប្រមូលគ្នាជាក្រុមទូទាំងពិភពលោក
(យូនីកូដ)
។
-
និយមន័យ
និង ការអភិវឌ្ឍន៍ក្តារចុចថ្មី
សមស្របសម្រាប់ការប្រមូលពុម្ពអក្សរតាមខ្នាតគំរូថ្មី
។
-
កញ្ចប់សម្រាប់ប្រព័ន្ធថ្មី
(រួមមាន ឯកសារ) ដូច្នេះវានឹងមានភាពងាយស្រួលដើម្បី ដំឡើង ចែកចាយ
និង សិក្សា ។
-
រៀបចំម៉ូឌីលហ្វឹកហ្វឺនសម្រាប់អ្នកប្រើ និង អ្នកបច្ចេកទេស ។
-
ការអភិវឌ្ឍន៍សមត្ថភាពក្នុងការបង្កើតកម្មវិធីបើកទូលាយរហស្សលិខ នៅតាមសកលវិទ្យាល័យ និង
ក្រុមហ៊ុនអភិវឌ្ឍកម្មវិធីកុំព្យូទ័រឯកជន ។
-
ផែនការដាក់ឲ្យប្រើប្រាស់ពេញលេញមួយ
។
គោលដៅចុងក្រោយនៃគម្រោងគឺ
បន្ទាប់ពីការចេញផ្សាយកម្មវិធីភាសាខ្មែរនេះភ្លាម
យើងនឹងរួមបញ្ចូលប្រព័ន្ធថ្មីនេះទៅក្នុងកុំព្យូទ័រដែលលក់ថ្មីៗ
ក្នុងប្រទេសកម្ពុជាចំនួនប្រហែល ២០ ភាគរយ
បន្ទាប់មកនៅឆ្នាំបន្ទាប់ទីពីរ យើងនឹងសម្រេចឲ្យបាន ៥០ ភាគរយ ។
ហើយនៅឆ្នាំទីបី យើងសង្ឃឹមថាការរួមបញ្ចូលប្រព័ន្ធនេះ
នឹងឈានដល់ ៨០ ភាគរយ ទោះបីជាប្រព័ន្ធប្រតិបត្តិការដទៃទៀត
(ដូចជា Windows ជាដើម)ត្រូវបានគេដំឡើងពីមុនប្រព័ន្ធថ្មីនេះក៏ដោយ
។
នៅពេលបញ្ចប់គម្រោង (ឬនៅពេលណាមួយសមស្រប) ៨០
ភាគរយនៃក្រុមហ៊ុនអភិវឌ្ឍន៍ផ្នែកទន់
នឹងត្រូវបានគេជួលដើម្បីបង្កើតនូវការងារខ្លះៗ
សម្រាប់ការគ្រប់គ្រងក្នុងប្រទេសកម្ពុជា
ឬក៏បង្កើតនូវកិច្ចសន្យាជាមួយក្រុមហ៊ុនឯកជនក្នុងប្រទេសកម្ពុជាផ្សេងទៀត
ដែលជាប់ទាក់ទងទៅនឹងទិន្នន័យភាសាខ្មែរ ។
គោលដៅទាំងនេះមានការព្រៀងទាំងស្រុង ជាមួយគោលនយោបាយបច្ចេកវិទ្យាព័ត៌មាន និង ទស្សនៈរបស់រាជរដ្ឋាភិបាល ដូចដែល ឯ.ឧ សុខ
អាន ទេសរដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី
បានមានប្រសាសន៍នាឆ្នាំ ២០០១
ថា ៖
" គ្រប់ច្បាប់បទបញ្ជា និង
គោលនយោបាយក្នុងវិស័យបច្ចេកវិទ្យា នឹងឆ្លុះបញ្ចាំងនូវការណែនាំ
ទាំងផ្នែកស្មារតី និង ទស្សនៈ ដូចតទៅនេះ ៖
- ដើម្បីគាំទ្រផលប្រយោជន៍របស់អ្នកប្រើ
និង សាធារណៈជនទូទៅ
។
- ដើម្បីធានាសុវត្ថិភាពព័ត៌មាន
ខណៈពេលជួយសម្រួលការចូលដំណើការទៅព័ត៌មានសាធារណៈអាច
ធ្វើបានដ៏ទូលំទូលាយ
។
- ដើម្បីគោរពសិទ្ធិគ្នាទៅវិញទៅមក
និង
-
ដើម្បីជៀសវាងអានិស្សរភាពប្រព័ន្ធមានកម្មសិទ្ធិ
ត្រូវផ្សព្វផ្សាយប្រព័ន្ធបើកទូលាយ និង អន្តរប្រតិបត្តិជំនួសវិញ
"
។
|
