កម្មវិធីភាសាខ្មែរ - លទ្ធផលរំពឹងទុក

គម្រោងផ្តួចផ្តើមកម្មវិធីកុំព្យូទ័រភាសាខ្មែរ

លទ្ធផលរំពឹងទុក

Your browser does not support inline frames or is currently configured not to display inline frames.

		គម្រោងត្រូវបានរៀបចំជាម៉ូឌីល ។ គម្រោងនឹងបង្កើតនូវ ៖ ប្រព័ន្ធប្រតិបត្តិការកុំព្យូទ័រជាភាសាខ្មែរពេញលេញមួយ និង កម្មវិធីការិយាល័យ កម្មវិធីកំសាន្ត ដែលចាំបាច់សម្រាប់អ្នកប្រើកុំព្យូទ័រធម្មតាម្នាក់ ។ អ្នកប្រើនឹងឃើញតែអក្សរជាភាសាខ្មែរប៉ុណ្ណោះលើអេក្រង់របស់គាត់ ។ ប្រព័ន្ធនឹងរួមបញ្ចូលនូវឯកសារពេញលេញជាភាសាខ្មែរ ទាំងជាទ្រង់ទ្រាយអេឡិចត្រូនិក និង ក្រដាស ។ កម្មវិធីការិយាល័យ និង អ៊ិនធឺណិតឥតគិតថ្លៃ (កម្មវិធីអ៊ីម៉ែល និង រុករកបណ្តាញ) សម្រាប់ប្រព័ន្ធប្រតិបត្តិការ MS Windows ។ "បណ្ណាល័យអភិវឌ្ឍន៍" (សំណុំកម្មវិធីកុំព្យូទ័រមួយ) ដែលត្រូវប្រើដោយអ្នកអភិវឌ្ឍន៍ផ្នែកទន់ ដើម្បីរួមបញ្ចូលការគាំទ្រភាសាខ្មែរ ក្នុងកម្មវិធីរបស់ពួកគេ ។ ពុម្ពអក្សរយូនីកូដខ្មែររហូតដល់ទៅ ៥០ (ពុម្ពអក្សរ OpenType យូនីកូដ) ដើម្បីប្រើក្នុងម៉ឺនុយរបស់កម្មវិធី ដូចជាក្នុងម៉ឺនុយកម្មវិធីវាយអត្ថបទ និង កម្មវិធីរចនា ជាដើម ។ ប្លង់ក្តារចុចដែលគាំទ្រកម្មវិធីបញ្ជា និង ៥០០០ ក្តារចុច ដែលគាំទ្រពុម្ពអក្សរដែលបានរៀបរាប់ខាងលើ ។ ថាសសម្រាប់ដំឡើងកម្មវិធី ដែលមានផ្នែកទន់ និង ឯកសារទាំងអស់ដែលបានរៀបរាប់ខាងលើ ដែលមានលក្ខណៈងាយស្រួលក្នងការដំឡើង ។ គម្រោងនឹងផលិតនូវថាសនោះចំនួន ៥០០០ ដែល ១០០០ ថាសនឹងផ្តល់ជូនជាមួយឯកសារបោះពុម្ពពេញលេញ ។ សម្ភារៈហ្វឹកហ្វឺនសម្រាប់អ្នកប្រើប្រាស់ រួមបញ្ចូលទាំងការប្រើប្រាស់ប្រព័ន្ធកម្មវិធី និង ការវាយអត្ថបទដោយប្រើក្តារចុចយូនីកូដខ្មែរ ។ អ្នកបង្រៀនកុំព្យូទ័រត្រូវបានហ្វឹកហ្វឺនដើម្បីបង្រៀននូវប្រព័ន្ធថ្មី ដោយប្រើសម្ភារៈដែលបានអធិប្បាយខាងលើ ។ សាស្រ្តាចារ្យតាមសកលវិទ្យាល័យ និស្សិត និង បុគ្គលិកក្រុមហ៊ុនអភិវឌ្ឍកម្មវិធី នឹងត្រូវបានហ្វឹកហ្វឺនអំពីកម្មវិធីបើកទូលាយរហស្សលិខ និង Linux កម្រិតខ្ពស់ ព្រមទាំងការអភិវឌ្ឍន៍កម្មវិធីដោយប្រើ ឧបករណ៏គាំទ្រភាសាខ្មែរ ដែលផ្តល់ឲ្យដោយគម្រោង ។ បុគ្គលិកលក់កុំព្យូទ័រត្រូវបានហ្វឹកហ្វឺនអំពីការដំឡើង និង ទិដ្ឋភាព របស់ប្រព័ន្ធ ។ មជ្ឈមណ្ឌលជំនាញការកម្មវិធីបើកទូលាយរហស្សលិខ ក្នុងសាកលវិទ្យាល័យ ដែលមានសាស្រ្តាចារ្យ និង និស្សិតដែលបានហ្វឹកហ្វឺន ព្រមទាំងកុំព្យូទ័រ និង បណ្តាញអ៊ិនធឺណិត ។ សម្ភារៈទីផ្សារ សម្រាប់ចេញផ្សាយប្រព័ន្ធ ។ ផ្សព្វផ្សាយជាសាធារណៈនូវប្រព័ន្ធនេះដោយផ្ទាល់ ឬ តាមរយៈអ្នកលក់កុំព្យូទ័រ និង ផ្នែកទន់ ។

		ទំព័រត្រូវបានកែប្រែចុងក្រោយនៅ ថ្ងៃ សៅរ៍ ទី ៣០ ខែ តុលា ឆ្នាំ ២០០៤ សម្រាប់សេចក្តីអធិប្បាយណាមួយអំពីទំព័របណ្តាញ សូមទាក់ទងប្រធានបណ្តាញរបស់ដែននេះ