|
គម្រោងកម្មវិធីកុំព្យូទ័រភាសាខ្មែរគឺកើតឡើងពីក្តីស្រម៉ៃដែលចង់ធ្វើឲ្យប្រទេសកម្ពុជាក្លាយជាប្រទេសព័ត៌មានវិទ្យាក្នុងរយះពេលបីឆ្នាំខាងមុខ
។ យើងប្រមើលមើលថានៅឆ្នាំ ២០០៧ ប្រជាជនកម្ពុជាអាចរៀនសូត្រ
និង ប្រើកុំព្យូទ័រជាភាសាជាតិរបស់ខ្លួន
"ជាប្រទេសមួយដែលមិនចាំបាច់រៀនភាសាទីពីរសម្រាប់
ការប្រើប្រាស់កុំព្យូទ័រឡើយ" ។
កម្មវិធីសម្រាប់បញ្ចូលទិន្នន័យ និង កម្មវិធីកុំព្យូទ័រផ្សេងៗ
នឹងត្រូវបានអភិវឌ្ឍដោយផ្ទាល់ជាភាសាខ្មែរតាមមធ្យោបាយងាយស្រួល
មានលក្ខណៈជាខ្នាតគំរូដែលមានភាពងាយស្រួលក្នុងការរៀបចំធ្វើបញ្ជីឈ្មោះ
និង ធ្វើទិន្នន័យ
។
ដើម្បីសម្រេចទិសដៅខាងលើនេះ
ទាមទារឲ្យមានការប្រើប្រាស់យ៉ាងទូលំទូលាយនូវកម្មវិធីកុំព្យូទ័រដែលមានតម្លៃថោក
និង សមស្របទៅនឹងស្ថានភាពសេដ្ឋកិច្ច និង ជំនួញរបស់ប្រជាជនកម្ពុជា
។ ហើយក៏ត្រូវតែមានផងដែរនូវវិធីគំរូ ដើម្បីប្រើភាសាខ្មែរ ។
យើងជឿជាក់ថា
ដើម្បីចូលទៅក្នុងពិភពរេខូបនីយកម្មដោយមិនធ្វើឲ្យបាត់បង់វប្បធម៌របស់ខ្លួន
ប្រទេសមួយ ត្រូវតែធ្វើកម្មវិធីកុំព្យូទ័រ
ជាភាសាជាតិរបស់ខ្លួន
។
កម្មវិធីកុំព្យូទ័រជាភាសាបរទេស
ធ្វើឲ្យអ្នកឃ្លាតឆ្ងាយពីពិភពរេខូបនីយកម្ម
ដោយសារមានភាពលំបាកក្នុងការហ្វឹកហ្វឺនផ្នែកកុំព្យូទ័រជាមូលដ្ឋាន
និង តម្លៃក៏ថ្លៃទៀត
ធ្វើឲ្យប្រជាជនដែលមានធនធានសេដ្ឋកិច្ចទាប
មិនអាចធ្វើការដោយប្រើកុំព្យូទ័របាន
ធ្វើឲ្យមានឱនភាពខាងវប្បធម៌ជាតិ និង រារាំងដំណើរការផ្អែកលើកុំព្យូទ័ររបស់រាជរដ្ឋាភិបាល
ដោយសារតែភាសាជាតិមិនអាចប្រើបានក្នុងមូលដ្ឋានទិន្នន័យ ។
សំណាងល្អ ការណែនាំនូវខ្នាតគំរូយូនីកូដជាភាសាខ្មែរ បានបើកទូលាយផ្លូវដើម្បី ចាប់ផ្តើមអភិវឌ្ឍការគាំទ្រភាសាខ្មែរលើប្រព័ន្ធដំណើរការនានា
។
ហើយក៏មានរួចផងដែរ នូវកម្មវិធីដែលមានគុណភាពខ្ពស់ ងាយស្រួលប្រើ និង
ឥតគិតថ្លៃ ដែលមានឈ្មោះថា កម្មវិធីឥតគិតថ្លៃ ឬ
កម្មវិធីបើកទូលាយរហស្សលិខ ដែលយើងអាចប្រើ និង កែប្រែរហស្សលិខបាន ។
វារួមមានគ្រប់កម្មវិធីដែលអ្នកប្រើធម្មតាត្រូវការដូចជា ៖ ផ្ទៃតុ
កម្មវិធីការិយាល័យ
(កម្មវិធីវាយអត្ថបទ
កម្មវិធីគណនេយ្យ កម្មវិធីបង្ហាញ កម្មវិធីគ្រប់គ្រងមូលដ្ឋានទិន្នន័យ)
កម្មវិធីអ៊ិនធឺណិត
(អ៊ីម៉ែល
កម្មវិធីរុករក
កម្មវិធីជជែកកំសាន្ត,
កម្មវិធីនាំសារ),
កម្មវិធីកំសាន្តសម្រាប់តន្ត្រី
និង វីដេអូ ថែមទាំងកម្មវិធីប្រើប្រាស់ជាច្រើនទៀត ។ ប្រទេសជាច្រើនកំពុងតែជំរុញឲ្យមានការប្រើប្រាស់កម្មវិធីកុំព្យូទ័រប្រភេទនេះ
សម្រាប់ការិយាល័យរាជរដ្ឋាភិបាលរបស់ពួកគេ សម្រាប់វិស័យពាណិជ្ជកម្ម វិស័យអប់រំ
និង សម្រាប់ប្រជាជនទូទៅ ។
ជាការពិតនាអតីតកាល
ការប្រើកុំព្យូទ័រក្នុងប្រទេសកម្ពុជា ភាគច្រើនជាភាសាអង់គ្លេស
និង ជាច្បាប់ចម្លងគ្មានអាជ្ញាប័ណ្ណនៃផលិតផលរបស់
Microsoft Windows
ទៀតផង
។
ការពិតគឺវានឹងមានច្បាប់រក្សាសិទ្ធិថ្មីមួយសម្រាប់ប្រជាជនកម្ពុជា
មានន័យថា អ្នកប្រើម្នាក់ៗ នឹងត្រូវទិញអាជ្ញាប័ណ្ណសម្រាប់ច្បាប់ចម្លងនៃកម្មវិធីនិមួយៗដែលដាក់លក់ដោយក្រុមហ៊ុនដូចជា Microsoft
ជាដើម
។
វាមានតម្លៃថ្លៃណាស់
សម្រាប់អ្នកប្រើប្រាស់កុំព្យូទ័រជនជាតិខ្មែរភាគច្រើន
។
កម្មវិធីបើកទូលាយរហស្សលិខ និងយូនីកូដខ្មែរ នឹងបង្កើតនូវបច្ចេកវិទ្យាដ៏ប្រសើរបំផុតមួយនាពេលអនាគត
សម្រាប់ប្រទេសកម្ពុជា ហើយយើងត្រូវតែសម្រេចឲ្យបាននូវសមិទ្ធិផលនេះ ។
យើងខ្ញុំសូមស្វាគមន៍លោកអ្នកក្នុងការចូលរួមសហការសម្រាប់ចក្ខុវិស័យនេះ
។
គម្រោងផ្តួចផ្តើមកម្មវិធីកុំព្យូទ័រជាភាសាខ្មែរត្រូវបានសម្របសម្រួលដោយ
អង្គការវេទិកាទូទៅនៃកម្ពុជា
ជាអង្គការក្រៅរដ្ឋាភិបាលក្នុងស្រុកមួយ
ដែលមានប្រវត្តិគាំទ្រវិស័យទូរគមនាគមន៍
និង
បំលាស់ប្តូរព័ត៌មានក្នុងប្រទេសជាយូរមកហើយ ។
|
