|
ការអភិវឌ្ឍន៍អ្នកជំនាញការបើកទូលាយរហស្សលិខក្នុងសាកលវិទ្យាល័យ
ដោយការប្រើបច្ចេកវិជ្ជាដែលបើកទូលាយរហស្សលិខ
ប្រទេសកម្ពុជានឹងមិនពឹងពាក់ទាំងស្រុងទៅនឹងក្រុមហ៊ុនផលិតពីបរទេស
ប៉ុន្តែការទទួលខុសត្រូវនៃបច្ចេកវិជ្ជាកម្រិតខ្ពស់ ត្រូវតែឆ្លងកាត់តាមរយះសាកលវិទ្យាល័យក្នុងប្រទេសកម្ពុជា
ដែលវិស្វករ និងអ្នកអភិវឌ្ឍន៍ថ្មីៗ
អាចនឹងបង្កើតនូវការអភិវឌ្ឍន៍
និងការបកប្រែថ្មី សម្រាប់មជ្ឈដ្ឋានសាធារណៈក្នុងប្រទេស ។
មជ្ឈមណ្ឌលកម្មវិធីបើកទូលាយប្រភពរហស្សលិខ
ត្រូវតែបង្កើតក្នុងសាកលវិទ្យាល័យរដ្ឋ និង/ឬ ឯកជន ចំនួនមួយ ឬ
ច្រើន ក្នុងប្រទេសកម្ពុជា ។
មជ្ឈមណ្ឌលទាំងនេះនឹងបង្កើតនូវអ្នកជំនាញ
ដែលឧស្សាហកម្មនានាត្រូវការ នៅពេលជាមួយគ្នានោះដែរពួកគេ
នឹងធ្វើការស្រាវជ្រាវកម្រិតខ្ពស់ រួចបង្កើតចេញនូវ
សម្ភារៈដែលបើកទូលាយរហស្សលិខដំបូង
ដែលសង្គមកម្ពុជាអាចនឹងត្រូវការ
ក៏ដូចជាធ្វើការជ្រើសរើសនូវសមាសធាតុថ្មី
ដែលអាចរួមបញ្ចូលក្នុងកំណែថ្មីនៃ កញ្ចប់កម្មវិធីដំបូង ។
ការបង្កើតនូវមជ្ឈមណ្ឌលទាំងនោះ
និងរយះពេលពីរឆ្នាំដំបូង នឹងត្រូវឧបត្ថម្ភថវិកាដោយគម្រោងនេះ
រីឯការថែទាំបន្ទាប់មកទៀតត្រូវតែធានារ៉ាប់រងដោយសាកលវិទ្យាល័យ
។ គម្រោងនឹងផ្គត់ផ្គង់ផងដែរនូវមជ្ឈមណ្ឌលពង្រឹងសមត្ថភាពរហូតដល់ ៣
មជ្ឈមណ្ឌលក្នុងសាកលវិទ្យាល័យបីខុសៗគ្នា
ដែលមានកុំព្យូទ័រគ្រប់គ្រាន់ (បីគ្រឿងក្នុងមួយមជ្ឈមណ្ឌល)
និងការតភ្ជាប់អ៊ិនធឺណិតដែលមានល្បឿនមធ្យម (១២៨
គីឡូបៃ)
ដែលត្រូវការសម្រាប់ការងារកម្មវិធីបើកទូលាយរហស្សលិខ
។ ការផ្គត់ផ្គង់នេះ
នឹងផ្តល់អោយក្នុងរយះពេលពីរឆ្នាំជាប់ៗគ្នា ។
ការអភិវឌ្ឍន៍នូវអ្នកជំនាញការបើកទូលាយរហស្សលិខក្នុងក្រុមហ៊ុន
ប្រព័ន្ធនេះបង្កើតនូវវិធីថ្មី និងងាយស្រួលមួយ
ក្នុងការអភិវឌ្ឍន៍កម្មវិធី ដែលប្រើភាសាខ្មែរជាគោល
ព្រមទាំងបើកទូលាយចំពោះវិស័យការងារសម្រាប់ក្រុមហ៊ុនទាំងនេះ ។
ប្រភពចម្បងនៃកម្រៃសម្រាប់ការអភិវឌ្ឍន៍ក្រុមហ៊ុន
នឹងបានមកពីការអភិវឌ្ឍន៍តាមតម្រូវការអតិថិជន
ដោយយកកម្មវិធីបើកទូលាយរហស្សលិខជាគោល ។
ការអភិវឌ្ឍន៍លក្ខណៈឯកជន
មិនត្រូវបានយកទៅប្រើក្នុងមជ្ឈដ្ឋានសាធារណៈដោយស្វ័យប្រវត្តិបានទេ
រហូតទាល់តែអ្នកបង្កើតនោះសម្រេចចិត្តថាបង្កើតវាដោយមិនគិតថ្លៃ
។
កម្មវិធីសម្រាប់រាជរដ្ឋាភិបាលគួរតែទាក់ទងទៅនឹងវិស័យការងារធំៗ
សម្រាប់ក្រុមហ៊ុនអភិវឌ្ឍន៍នានា ។
ការផ្តល់គឺត្រូវបានរួមបញ្ចូលក្នុងគម្រោងនេះ
ដើម្បីបង្កើនល្បឿនអត្តសញ្ញាណនៃកម្មវិធីចាំបាច់នានា
នឹងចុះកិច្ចសន្យារវាងអ្នកគ្រប់គ្រង និង
ក្រុមហ៊ុនអភិវឌ្ឍន៍កម្មវិធីក្នុងតំបន់
ដើម្បីវិភាគដំណើរការគ្រប់គ្រង
ដែលនឹងផ្តល់នូវអត្ថប្រយោជន៍ជាច្រើន
(ដូច្នេះមានន័យថាផ្តល់ប្រយោជន៍ចំពោះប្រជាជាតិទាំងមូល) ។
អ្នកជំនាញការគឺផ្អែកលើការហ្វឹកហ្វឺន ។
គម្រោងនឹងផ្តល់ជូននូវវគ្គហ្វឹកហ្វឺនខ្លីៗ
មិនគិតថ្លៃសម្រាប់សាស្រ្តាចារ្យសាកលវិទ្យាល័យ
និស្សិតដែលបានជ្រើសរើស និង បុគ្គលិកក្រុមហ៊ុនឯកជន ។
វគ្គទាំងនេះនឹងត្រូវបង្ហាត់ដោយសាស្រ្តាចារ្យដែលបានអញ្ជើញមកពីសាកលវិទ្យាល័យបរទេសនានា
និងដោយវិស្វករប្រព័ន្ធ និង
អ្នកបង្ហាត់បង្រៀនមកពីបណ្តាក្រុមបរទេសនានា
រហូតទាល់តែអ្នកជំនាញការក្នុងប្រទេសកម្ពុជាទទួលបាននូវចំណេះដឹងមូលដ្ឋានគ្រប់គ្រាន់
។
ទន្ទឹមគ្នានេះដែរ អ្នកលក់កម្មវិធីកុំព្យូទ័រ (មូលដ្ឋានទិន្នន័យ
។ល។)
ក៏នឹងត្រូវបានអញ្ជើញអោយចូលរួមបង្ហាត់បង្រៀននូវបច្ចេកវិទ្យារបស់ពួកគេ
។ គម្រោងនឹងផ្តោតការយកចិត្តទុកដាក់ចំពោះ ការសរសេរកម្មវិធី
ក៏ដូចជាការគ្រប់គ្រងក្នុងប្រព័ន្ធដំណើរការ
Unix/Linux ការហ្វឹកហ្វឺន
ការអភិវឌ្ឍន៍មូលដ្ឋានទិន្នន័យ
ការរួមបញ្ចូលការគាំទ្របណ្ណាល័យគាំទ្រភាសាខ្មែរ
និងបង្ហាត់នូវភាសាកុំព្យូទ័រដែលត្រូវការសម្រាប់គម្រោង ។
គម្រោងក៏នឹងផ្តល់ផងដែរនូវការងារ
ស្តីអំពីគម្រោងចែករំលែករហស្សលិខបើកទូលាយអន្តរជាតិ ។
ធ្វើសហប្រតិបត្តិការ ធ្វើការកែប្រែកម្មវិធី ការងារជាក្រុម ។ល។
បើតាមការពិចារណា
គម្រោងនឹងផ្តល់នូវការហ្វឹកហ្វឺនដែលមានរយះពេលសរុប ៦
សប្តាហ៍ដោយរួមបញ្ចូលនូវ ៖
-
ការគ្រប់គ្រងដោយប្រើ
Linux
-
ការសរសេរកម្មវិធីដោយប្រើ
Linux (ភាសាកុំព្យូទ័រ)
-
ការអភិវឌ្ឍន៍កម្មវិធីបើកទូលាយរហស្សលិខ
-
ការរួមបញ្ចូល
Gnome
ដោយរួមបញ្ចូលការគាំទ្រភាសាខ្មែរ
-
ការអភិវឌ្ឍន៍មូលដ្ឋានទិន្នន័យ សម្រាប់បរិស្ថាន
Linux/Gnome
ម៉ូឌីលការអភិវឌ្ឍន៍ពុម្ពអក្សរភាសាខ្មែរ គួរតែពិចារណា
ដោយប្រើចំណេះដឹងជំនាញ ដែលមានក្នុងគម្រោង ។
សូមពិនិត្យមើលទំព័រ ស្ថានភាព
អំពីការងារដែលទាក់ទងទៅនឹងការបង្កើតអ្នកជំនាញការបើកទូលាយរហស្សលិខ |
