សេចក្តីណែនាំអំពីមយូរា

	គម្រោងផ្តួចផ្តើមកម្មវិធីកុំព្យូទ័រភាសាខ្មែរ
	សេចក្តីណែនាំអំពី មយូរា

Your browser does not support inline frames or is currently configured not to display inline frames.

		ផ្នែកទី ២ ៖ ការពន្យល់ខ្លីៗនូវជម្រើសរូបតំណាងមួយចំនួន សង្ឃឹមថា នៅចំនុចនេះអ្នកនឹងមានមយូរា កំពុងតែដំណើរការ ។ ព្រោះនៅជំហានបន្ទាប់ក្នុងដំណើរការអ្នកនឹងទទួលបានកាន់ តែច្បាស់ជាមួយកម្មវិធីនេះ ។ ក្នុងការណែនាំកម្មវិធីមយូរាផ្នែកនេះ គឺទាក់ទងជុំវិញទៅមូលដ្ឋាននៃ ប៊ូតុង/ជម្រើស និង របៀបអានសារ ។ ការពិណ៌នាខ្លីៗពីប៊ូតុងដែលនៅលើរបារ ៖ យកសំបុត្រ ៖ ប៊ូតុងយកសំបុត្រនឹងតភ្ជាប់កម្មវិធីមយូរាទៅកាន់ម៉ាស៊ីនបម្រើសំបុត្រ របស់លោកអ្នកស្វែងរកសារថ្មីៗ ។ អ្នកនឹងមានសារប្រាប់ពីដំណឹងមួយនៅជ្រុងខាងឆ្វេងក្រោម បើអ្នកមានសំបុត្រថ្មីមកដល់ ។ សរសេរ ៖ ប៊ូតុងសរសេរបើកបង្អួចថ្មីមួយដែលអ្នកអាចសរសេរសំបុត្រ កែឯកសារភ្ជាប់ និង ផ្ញើវាចេញ ។ សៀវភៅអាសយដ្ឋាន ៖ ប៊ូតុងសៀវភៅអាសយដ្ឋាននឹងបើកបង្អួចថ្មីមួយ អ្នកនឹងអាចឃើញអាសយដ្ឋានសំបុត្រដែលអ្នកមាន អ្នកក៏អាចបន្ថែមប័ណ្ណថ្មី ឬ ផ្ញើសារភ្លាមៗ ឬ សន្ទនាជាមួយអ្នកណាម្នាក់ដែលមាននៅក្នុងសៀវភៅអាសយដ្ឋានរបស់អ្នក ។ ឆ្លើយតប ៖ ប៊ូតុងឆ្លើយតបនឹងបើកបង្អួចថ្មីមួយ រួមបញ្ចូលអក្សរពីសំបុត្រដែលបន្លិចក្នុងប្រអប់សំបុត្ររបស់អ្នក ។ ឆ្លើយតបទាំងអស់ ៖ ប៊ូតុងឆ្លើយតបទាំងអស់នេះនឹងឆ្លើយតបសំបុត្រទាំងអស់ចំពោះអ្នកដែលបានផ្ញើមក ។ បញ្ជូនបន្ត ៖ ប៊ូតុងបញ្ជូនបន្តនេះ បើកបង្អួចថ្មីមួយជាមួយសារបន្លិច ដែលភ្ជាប់ជាមួយឯកសារត្រូវបញ្ជូនហើយអាចបន្ថែមអត្ថបទទៅជាមួយផង ។ លុប ៖ ប៊ូតុងលុបនឹងលុបសំបុត្រដែលបន្លិច ។ សារឥតបានការ ៖ ប៊ូតុងសារឥតបានការ និងសម្គាល់សារដែលបន្លិច ជាសារឥតបានការ ។ បោះពុម្ព ៖ ប៊ូតុងបោះពុម្ពនឹងបោះពុម្ពសារដែលបានបន្លិច ។ បញ្ឈប់ ៖ ប៊ូតុងបញ្ឈប់នេះ នឹងបោះបង់សកម្មភាពបច្ចុប្បន្ន ។ វាមានប្រយោជន៍នៅពេលដែលអ្នក ត្រូវការបោះបង់ការផ្ញើសំបុត្រដែលធំ ឬ បញ្ឈប់ការទាញយកសារដ៏ច្រើនលើសលប់ ពី វេទិកាព័ត៌មាន ។ របៀបអានសំបុត្រ នៅពេលបើកកម្មវិធីមយូរារបស់អ្នកវានឹងតភ្ជាប់ដោយស្វ័យប្រវត្តិទៅកាន់ម៉ាស៊ុនបម្រើសំបុត្រ និង ស្វែងរកសារថ្មីដោយគ្រាន់តែវាយពាក្យសម្ងាត់ របស់លោកអ្នក (password) ។ សារថ្មីនេះនឹងត្រូវទាញយកចូលទៅទីតាំងប្រអប់ទទួលដែលបានបង្ហាញនៅប្រអប់រងរបស់អាសយដ្ឋានអ៊ីម៉ែល របស់អ្នកនៃផ្នែកខាងឆ្វេង ។ ចុចលើប្រអប់សំបុត្រ និងសំបុត្រសាររបស់អ្នកវានឹងបង្ហាញនៅខាងស្តាំ ។ ប្រសិនបើអ្នកឲ្យកម្មវិធីមយូរារត់ ហើយទុកចោលយូរ អ្នកអាចចុចប៊ូតុង យកសំបុត្រ ដើម្បីបញ្ជាឲ្យមយូរាយកសំបុត្រថ្មីដែលមានក្នុងម៉ាស៊ីនបម្រើ ។ អ្នកក៏អាចកំណត់ឲ្យកម្មវិធីនេះយកសំបុត្រជាស្វ័យប្រវត្តិផងដែរ (ដោយប្រើ ឧបករណ៍>ការកំណត់គណនី ) ។
		លោតទៅផ្នែកទី ១ \| ២ \| ៣ \| ៤ \| ៥ \| ៦ \| ៧ \| ៨ \| ៩
		គម្រោងកម្មវិធីកុំព្យូទ័រភាសាខ្មែរ កំពុងត្រូវបានសម្របសម្រួលដោយ អង្គការវេទិកាទូទៅនៃកម្ពុជា, អង្គការក្រៅរដ្ឋាភិបាលក្នុងស្រុកមួយ ដែលមានប្រវត្តិគាំទ្រប្រព័ន្ធផ្សព្វផ្សាយ និង បចេ្ចកវិទ្យាព័ត៌មានក្នុងប្រទេសជាយូរមកហើយ ។
		ទំព័រត្រូវបានកែប្រែចុងក្រោយនៅថ្ងៃ ៖ ច័ន្ទ ទី០៦ ខែកញ្ញា ឆ្នាំ២០០៤ សម្រាប់សេចក្តីអធិប្បាយណាមួយអំពីទំព័របណ្តាញ សូមទាក់ទងប្រធានបណ្តាញរបស់ដែននេះ