សេចក្តីណែនាំអំពីមយូរា

	គម្រោងផ្តួចផ្តើមកម្មវិធីកុំព្យូទ័រភាសាខ្មែរ
	សេចក្តីណែនាំអំពី មយូរា

Your browser does not support inline frames or is currently configured not to display inline frames.

		ផ្នែកទី ៤ ៖ របៀបភ្ជាប់ឯកសារ និង សៀវភៅអាសយដ្ឋាន របៀបភ្ជាប់ឯកសារ រឿងដំបូងដែលអ្នកត្រូវធ្វើនោះគឺគ្រាន់តែបង្កើតសារថ្មីប៉ុណ្ណោះ ។ ពេលដែលអ្នកបានបង្កើតវារួចហើយ អ្នកគ្រាន់តែចុចប៊ូតុង ភ្ជាប់ ហើយស្វែងរកទីតាំងឯកសារដែលត្រូវភ្ជាប់ជាការស្រេច ។ សូមមើលទៅផ្នែកខាងស្ដាំរបស់ប៊ូតុងនេះមានសញ្ញាព្រួញចុះក្រោមមួយ ដែលអនុញ្ញាតឲ្យអ្នកជ្រើសយកថាត្រូវភ្ជាប់ ឯកសារ ឬ ទំព័របណ្ដាញ ។ ជ្រើសឯកសារដែលអ្នកចង់ភ្ជាប់ បន្ទាប់មកចុច Open ។ សំបុត្ររបស់អ្នកឥឡូវនេះបានភ្ជាប់ឯកសារមួយហើយ ។ ប្រសិនបើអ្នកត្រូវការបន្ថែមឯកសារភ្ជាប់ សូមធ្វើតាមរបៀបខាងលើដដែល ។ តែប្រសិនបើអ្នកចង់ភ្ជាប់ទំព័រវិញនោះ គ្រាន់តែជ្រើសយក "ទំព័របណ្ដាញ" និង បំពេញ URL ។ ការពន្យល់របារឧបករណ៍ខ្លីៗមួយចំនួននៃសៀវភៅអាសយដ្ឋាន ៖ ប័ណ្ណថ្មី ៖ ប៊ូតុងនេះនឹងអនុញ្ញាតឲ្យអ្នកបង្កើតប័ណ្ណថ្មីមួយចូលក្នុងសៀវភៅអាសយដ្ឋាន ប័ណ្ណនោះអាចជាមនុស្សដែលត្រូវទាក់ទង ឬ ជំនួញជាដើម ។ បញ្ជីថ្មី ៖ ប៊ូតុងនេះនឹងបើកបង្អួចមួយដែលអ្នកអាចបង្កើត និង/ឬ កែបញ្ជីសំបុត្រដែលមានស្រាប់ ។ លក្ខណៈសម្បត្តិ ៖ អនុញ្ញាតឲ្យអ្នកកែប័ណ្ណដែលបានជ្រើស នៅក្នុងអាសយដ្ឋានរបស់អ្នក ។ សរសេរ ៖ ចុចប៊ូតុងនេះវានឹងបើកបង្អួចថ្មីម្ួយសម្រាប់សរសេរសារ ទៅនរណាម្នាក់ដែលបានជ្រើស នៅក្នុងសៀវភៅអាសយដ្ឋាន ។ សារបន្ទាន់ ៖ គឺជាមុខងារជជែកកំសាន្ត ប៉ុនែ្តវាមិនទាន់មាននៅឡើយ ។ លុប ៖ ចុចប៊ូតុងនេះ អ្នកនឹងលុបប័ណ្ណដែលបានជ្រើស ចេញពីសៀវភៅអាសយដ្ឋានរបស់អ្នក ។
		លោតទៅផ្នែកទី ១ \| ២ \| ៣ \| ៤ \| ៥ \| ៦ \| ៧ \| ៨ \| ៩
		គម្រោងកម្មវិធីកុំព្យូទ័រភាសាខ្មែរ កំពុងត្រូវបានសម្របសម្រួលដោយ អង្គការវេទិកាទូទៅនៃកម្ពុជា, អង្គការក្រៅរដ្ឋាភិបាលក្នុងស្រុកមួយ ដែលមានប្រវត្តិគាំទ្រប្រព័ន្ធផ្សព្វផ្សាយ និង បចេ្ចកវិទ្យាព័ត៌មានក្នុងប្រទេសជាយូរមកហើយ ។
		ទំព័រត្រូវបានកែប្រែចុងក្រោយនៅថ្ងៃ ៖ ច័ន្ទ ទី០៦ ខែកញ្ញា ឆ្នាំ២០០៤ សម្រាប់សេចក្តីអធិប្បាយណាមួយអំពីទំព័របណ្តាញ សូមទាក់ទងប្រធានបណ្តាញរបស់ដែននេះ